Please Daven for the unconditional release of: Ziv Berman, 28 Ziv ben Talia מִזְמ֗וֹר לְדָ֫וִ֥ד הָב֣וּ לַ֖יי בְּנֵ֣י אֵלִ֑ים הָב֥וּ לַ֜יי כָּב֥וֹד וָעֹֽז הָב֣וּ לַ֖יי כְּב֣וֹד שְׁמ֑וֹ הִשְׁתַּֽחֲו֥וּ לַֽ֜יי בְּהַדְרַת־קֹֽדֶשׁ ק֥וֹל יי עַל־הַ֫מָּ֥יִם אֵֽל־הַכָּב֥וֹד הִרְעִ֑ים יי עַל־מַ֥יִם רַבִּֽים קֽוֹל־יי בַּכֹּ֑חַ ק֥וֹל יי בֶּֽהָדָֽר ק֣וֹל יי שֹׁבֵ֣ר אֲרָזִ֑ים וַיְשַׁבֵּ֥ר יי אֶת־אַרְזֵ֥י הַלְּבָנֽוֹן וַיַּרְקִידֵ֥ם כְּמוֹ־עֵ֑גֶל לְבָנ֥וֹן וְ֜שִׂרְי֗וֹן כְּמ֣וֹ בֶן־רְאֵמִֽים קֽוֹל־יי חֹצֵ֗ב לַֽהֲב֥וֹת אֵֽשׁ ק֣וֹל יי יָחִ֣יל מִדְבָּ֑ר יָחִ֥יל יי מִדְבַּ֥ר קָדֵֽשׁ ק֚וֹל יי | יְחוֹלֵ֣ל אַיָּלוֹת֘ וַיֶּֽחֱשׂ֪ף יְעָ֫ר֥וֹת וּבְהֵֽיכָל֑וֹ כֻּ֜לּ֗וֹ אֹ֘מֵ֥ר כָּבֽוֹד יי לַמַּבּ֣וּל יָשָׁ֑ב וַיֵּ֥שֶׁב יי מֶ֣לֶךְ לְעוֹלָֽם יי עֹ֖ז לְעַמּ֣וֹ יִתֵּ֑ן יי | יְבָרֵ֖ךְ אֶת־עַמּ֣וֹ בַשָּׁלֽוֹם | 
